የስነ ምግባር መርሆዎች

የራንስፓረንሲ ኢትዮጵያ የስነምግባር መርሆ አባላቱ ተገዢ የሚሆኑበት መመሪያ ነው፡፡ መመሪያዎችም የሚከተሉት ናቸው

• እርስ በራሳችንም ሆነ ከሌሎች ጋር የሚኖረን የሥራ ግንኙነት ግልጽነት፣ ተጠያቂነት እና ሐቀኝነት ላይ የተመሠረተ መሆን አለበት፡፡
• ማንኛውም ተግባራችንም ከጉቦ፣ ከሙስና እና አግባብ ከሌለው በስልጣን ወይም ባለን አብላጫ አቅም ከመጠቀም የተቆጠበ ይሆናል፡፡
• ማንኛውም ተግባራችንን ስንፈጽም ሕጋዊ፣ ሙያዊ ሰነ-ምግባርና ሰብአዊ ገደቦችን ማክበር ብቻ ሳይሆን ከኀብርተሰቡ አመኔታና ክብር የሚያገኝ ሊሆን ይገባል፡፡
• ማንኛውም ማኀበራዊ ሥራችን በዴሞክራስያዊ መርህ ላይ የተመሠረተ ሆኖ በተለይም ትራንስፓረንሲ ኢትዮጵያን ወክለን የምንወስደው እርምጃ የፖለቲካም ሆነ የተለየ እምነት ወገናዊ ሊሆን አይገባም፡፡
• በማንኛውም ቦታና ጊዜ ጉቦን፣ ሙስናን እና በስልጣን መባለግን በግልጽ ስናይ በትጋትና በመንፈስ ቆራጥነት መቃወም አለብን፡፡
• ጉቦን፣ ሙስናን እና በስልጣን መባለግን መቃወምና ማጋለጥ የምንችለው በተጨባጭ ጥናታዊ መረጃ ላይ በመደገፍ ብቻ ነው፡፡ ለዚህ ተግባር 㗹የትራንስፓረንሲ ኢትዮጵያ አመራር አካላት በሚያደርጉት ጥረት ሁሉ አባላት የመሳተፍ መብትም ግዴታም አለባቸው፡፡
• ለትራንስፓረንሲ ኢትዮጵያ አመራር አካል የምትወዳደር/ የሚወዳደር እጩ በጊዜው ያላት/ያለው የፖለቲካም ሆነ ማንኛውም አቋም ከማኀበሩ አላማ ጋር የማይፃረር መሆኑን የማረጋገጥ ኃላፊነት አለባት/አለበት፡፡